Maamuuska u Maamuuska u Maamuuska u

H ana Mohamed oo ka mid ah somalida magaalada Manchester ku dhaqan ayaa muddo kooban loogu aqoonsaday in ay ka mid tahay haldoorka u adeegayaasha bulshada.

xaflad balaadhan oo dhawaan lagu qabtay hoolka shirarka ee Philip Martin, ayaa Hana iyo labbo qof oo kale lagu gudoonsiiyey shaadad-sharaf loogu maamuusayo sida tabaruca iyo hagar la’aanta ah ee ay ugu adeegaan uguna taageeraan bulshadooda.

Hana oo sanadkii 2012 u soo guurtay magaalada Manchester ka dib markii ay nolasheeda intii hore ay ku soo qaadatay dalka Imaaraadka carab, ayaa shahaadadan loogu aqoonsaday sida firfircoon ee ay umadeeda ugu caawiso xarunta ururka Sasca oo ay ka howlgasho.

Hana Mohamed

“Shahaado-sharaftan la igu maamuusay waxa ay idareensiisay sida bulshadaydu ugu hanweyn tahay taageerdayda iiguna bogaadinayso.” ayey tidhi; hana oo ka waramaysay sida ay u aragto shahaadada la gudoonsiiyey. Waxaanay iyadoo faahfaahin ka bixinaysa sida ay dadka ugu caawiyaan xarunta ururka Sasca ay intaa raacisay “Marka aan sidan u dhagaysto baahidooda ayaan ka caawiyaa bulshadayda ilaa iyo inta aan awoodo, tani mararka qaarkood ma fududa laakiin kalsoonida ay ugu qabaan awgeed ayaa keenta inaan isku taxaluujiyo wax la qabashadooda.”

Hana oo culuunta isgaadhsiinta iyo teknoolijiga ku soo dhigatay jaamacada Hargeysa, ayaa sheegay in markii ay timid wadanka UK ay bartay sida uu u shaqeeyo nidaamka dalkani. “ Markii u horaysay ee aan UK imid aad bay u adkeed meelo badana ma dareemin soo dhawayn.

Balse meeshii u horaysay ee aan soo dhaweyn dareemaa waa xaruntan, sababta ma garanayo” ayey tidhi Hana.

Waxaanay sheegaytay in qorshaheeda mustaq balku uu yahay in ay la sii joogto urarka Sasca, isla markaana sii wado wax ka qabashada baahiyaha bulshada .

 

Wax ka baro dhaqanka wanaagsan ee soomaalida

UJEEdooyInKa warsidaha SaSCa waxaa ka mid ah in lagu baraarujiyo bulshada Soomaaliyeed lana barro da’yarta dhaqanka suuban ee umaddeena qormadeena maanta waxa aanu idiinku soo

gudbineeyna war-bixin si qoto dheer uga waramaysa qaamiha uu marti-soorku ku leeyahay dhaqanka soomaalida oo uu wargeyska siiyey mid ka mid ah waayo araga Soomaaliyeed ee ku dhaqan magaalada Manchester oo lagu magacaabo Xaaji Cabdi Gurey.

Waxa dhaqan u ah ummada Soomaaliyeed inay si fiican u soo dhaweeyaan sooraana martida lalana wadaagaan wax walba oo markaa reerka loo soo martiyay ay heli karaan.

Mararka qaar waxa dhacda in qof ku soo martiyay iyadoo xilligu uu aad u kulul yahay, lagu jiro abaar, xooluhuna ay gudhanyihiin, iyadoo taasi jirto ayaa hadana waxaa waajib ku ah reerka la soo martiyay inay sooraan soona dhaweeyaan dadka safarka ah ee maciinka soo biday.

Xaaji Abdi Gurey

Caadiyan reeraha miyiga degan waxa had iyo jeer soo martiya qof safara oo wadadii ka ambaday ama meesha reerku degan yahay maraya. Martidaasina waxay isugu jiri karaan dad xoolo lumay raadinaya, dad safar dhul dheer ku socda oo reerkaa habeenka u hoyana iyo macaalimiinta qur’aanka doonaya ineey reerahaa baraan. Inaad martidaa ku soo magangashay aad si fiican u marti soortaa goorteey doontaba hakuu yimaadaane waa arrin aad u wanaagsan oo bulshada soomaaliyeed ay ka simantahay meeleey joogtaba.

nolosha dadka reer miyiga ahi had iyo jeer waxa ay ka dharagsanyahiin in xili kasta dad safarka ama marti ah ay u imankaraan sidaasi daraadeed waxa ay iska xil-saaraan sidii ay magacooda iyo

sharaftooda ay u ilaashan lahaayeen oo aanay bulshada ugu dhex ceeboobi lahayn.

Haddii reerku leeyahay geel waxa martida loo qoondeeyaa hal ama labbo halaad oo irmaan si martida loogu deeqo caano, mararka qaarkoodna haddii uu reerku ladan yahay waxa ay martidaa ku sooraan ama u qalaan neef adhiya ama geela hadba inta aay tirada dadka soo martiyay ay leegyihiin.  Xataa hadii uu xiligu xunyahay waxaa waajib ah oo martida la sooro oo la soo dhaweeyo ayadoon loo eegayn qabiilka ama xataa hadii labada reerahoodu colyihiin.

Waxa ay ahayd mid ceebka weyn ku ah dhaqanka Soomaaliyeed in aan la soo dhaweyn ama la soorin qofka safarka ah. Qoyska ama reerka ku kaca falkan fooshaxun ee marti qadiya ama aan gogol u fidini waxa uu ahaa mid sheegan oo ku ceebooba bulshada dhexdooda, had iyo jeerna lagu hadal hayo gooba ayskugu yimaad, marka qaarna lagu xuso suugaanta oo gabo laga tiriyo.

 

A welcoming culture where all guests are respected

---

By Mawliid Nuur

As part of SASCA’s newspaper programme to educate young people about Somali culture and hospitality we had the opportunity to meet one of the Somali elders in Manchester, Mr Abdi Gurey who recounted to us the beauty of this culture and the generosity of the Somali people even in times of hardship and scarcity.

It is the custom of Somalis to provide for their guests with all means available. It could be the dry season when water is scarce, when the camels’ udders are empty, when the sheep are weak and the general atmosphere of the house is rather bleak and chaotic.

Yet, despite this, the family must provide food and shelter for the weary travellers who come their way no matter what. Even with most nomadic families already leading an abstemious way of life owing to their locality and meagre resources, to be able to serve a guest appropriately is highly commendable and to turn a guest away is the most dishonourable deed.

In the vast, arid countryside, where the nomadic settlers roam, hospitality is of utmost importance. Here, in these boundless miles of barren lands and parched terrains, the nomads’ lives become interdependent; so much so that hospitality has become something of an obligation upon every nomadic settler.

COMMUNITY leader: Abdi Gurey

Regularly a nomadic family would receive a wanderer or a traveller lost for directions or people just passing by. These consist of nomads looking for their lost camels and sheep, or nomads on a long trip wishing to rest for the night, or even Qur’an teachers wishing to provide their services to the nomadic families in rural areas.

Being able to serve your guests is an honourable act and highly esteemed throughout Somali society, however inappropriate a time guests arrive.

In the nomadic lifestyle, the father who is the head of the house is aware that at any time he might receive guests and travellers, so he is always looking after his name and his honour. If a man is in possession of several milking camels, it is within his means to milk one or even two camels for his guests to serve them with fresh milk, and even slaughter them a camel.

Even during times of scarcity when milk is in short supply, when the sheep have become emaciated and the camels are taken to faraway places for grazing, Somali custom dictates that every visitor is received with open arms and cordially entertained regardless of ethnicity, region or tribal allegiance (even enemy tribes).